「我們行善，不可喪志；若不灰心，到了時候就要收成。」加拉太書 6:9
有好多同學一見我上台分享，就會想：「今次又講跑長跑啦。」
但是大家的估錯了，我今次要講不是長跑，而是一隊日本天團「Yoasobi」。
在元旦日睇日本紅白歌唱大賽，壓軸出場就是Yoasobi。我真心覺得勁，因為為他們唱「我推的孩子主題曲」時，為他們伴舞的不是誰人，而是日本、南韓最頂尖的男團、女團，NewJeans啦、Seventeen啦、Twice啦、Stray Kids啦⋯⋯被網民喻為紅白史上最豪華的伴舞團。
我敢講，這是Yoasobi人生的頂峰。
但是，他們是不都是一帆風順？一出世便萬千寵愛在一身？當然唔係啦。
我唔講作曲家Ayase同主音歌手Ikrura係人生低谷時點樣組成Yoasobi(大家有興趣可以查下Yoasobi的意思)，我只講他們第一次武道館開演唱會的經歷。
大家都可能知道負責作曲的Ayase寫尐歌係幾咁難唱？出名好少停頓位、無唞氣位。所以主音歌手Ikura唱得非常辛苦，她不停練習，用盡所有唱歌的技巧，都好似無乜改進。
她最後放棄，惟有試新的方法，佢去左跑長跑⋯⋯
我知我知，唔講長跑嘛！我講完架啦，之後係點大家都估到啦？
各位同學，尤其是就快考DSE的中六的同學們，你們就是Yoasobi！今天你可能覺得諸般不順，面對好多困難同壓力，用左好多方法都好似冇乜改變，請大家「放棄」，唔係放棄你地嘅目標，而係放棄你地原本的方法。
「我們行善，不可喪志；若不灰心，到了時候就要收成。」
今年的主題是「Be堅」，好多人認為係「開始堅持」，我覺得還有一個意思，就是「堅持開始」。失敗、困難，不要放棄，堅持開始，嘗試新的方法，你們都是Yoasobi！
